Cristina Garmendia Zientzia eta Berrikuntzarako ministroa joan den ostiralean izendatu zuten Zientzia eta Teknologiarako Espainiako Fundazioko (FECYT) presidente. Ekitaldi berean euren kargua hartu zuten Ministerioko bi Estatuko idazkariek, Marius Rubiralta eta Carlos Martínezek. Hauek Fundazioko presidenteorde izango dira. Bestalde, Garmendiak Juan Tomás Hernani, Ministerioko Batzorde Exekutiboko kidea, izendatu du Fundazioko zuzendari nagusi.

Izendapen hauekin batera dator Zientzia eta Berrikuntzarako Ministerio berriak FECYT sustatzeko hartu duen erabakia. Honela, Fundazio hau tresna erabakigarria izatea nahi dute Espainiako unibertsitateen, ikerketa zentroen eta industriaren gaitasunak jakintzaren balio katearen inguruan biltzeko.  

Fundazioko zuzendari nagusi berria, Juan Tomás Hernani, industri ingeniaria da, Enpresa Zientzietan Lizentziatua eta Fabrikazio Aurreratuari buruzko Master bat egindakoa Cranfield-eko Institutu Teknologikoan.

Lehenago, postu garrantzitsuak izan ditu enpresaren munduan eta mundu publikoan, besteak beste, Innobasque-ko Nazioartekotze Arloko zuzendari nagusia, Conservas Garavilla-ko zuzendari nagusia, KEON-Azertiako aholkulari delegatua eta Robotiker-eko zuzendari teknikoa izan da. Gainera, enpresa proiektu askoren aholkulari eta bultzatzaile ere izan da.

Informazio gehiago:

Ministerio de Ciencia e Innovación