Nafarroako Berrikuntzarako Agentziak (ANAIN) Nafarroako Berrikuntzako Parkearekin eta RETECNArekin (Nafarroako Teknologi Sarea) lankidetzan, jardunaldi bat antolatu du Zientzian eta Berrikuntzan inplikatutako erakundeei oinarrizko ezagutza batzuk emateko beren jarduerak gizarteari nola azaldu ikas dezaten eta azalpen horiek interesgarriak izan daitezen hala hedabideentzat nola gizartearentzat oro har.

Hitzaldian bereziki azpimarratu da gai hauek azaldu egin behar direla eta ikertzaileek eta hedabideek honelako gaiak ezagutzera emateko zailtasunak dituztela gehienetan oso gai abstraktuak izaten direlako.

Federico Baeza COTECeko zuzendariorde tekniko nagusiak azaldu zuen ikertzaileak jakintza sortzaile direla eta, beraz, garrantzi handia dutela berrikuntza prozesuan, nolanahi ere, argi utzi zuen jakintza hori “gauza ukigarri” bilakatu behar dela, eta hori oraindik gainditu gabeko ikasgaia dela ikertzaileentzat enpresa kultura murritza dutelako. Bestalde, enpresa pribatuetan ikertzaile gehiago egon beharko liratekeela adierazi zuen, izan ere, 1000 langileko 5 ikertzaileko ratioa izan beharko genuke, horrela beraz, 2010etik 2015era bitartean 10.000 ikertzaile baino gehiago enplegatu beharko genituzke Espainiako enpresetan.

Luis Martínez Sáez fisikari eta “Cómo comunicar la ciencia” liburuaren egileak zientzi eta teknologi zentroetan iraultza kultural bat egin behar dela azaldu zuen, beren proiektuak edota garapen zientifikoak eta berrikuntzak saltzen ikasi behar dutelako. Bestalde, horrelako zentroetan akats handi bat egin ohi dela azpimarratu zuen, izan ere zientzialari eta teknologoak ez baitira inplikatzen beren antolakundeetako komunikazio kabineteetan,- Kultura zientifikoko unitateak, berak hala deitzen die,- dela ez dutelako kazetariei azalpenik emateko gogorik edo dela ez dakitelako nola egin. Martínez Sáezek argi dauka ikerkuntzaren azken bezeroa gizartea dela, 'gizarteak ordaintzen ditu gure fakturak eta, beraz, ikerkuntzak denontzako onurak ekar ditzala eskatzeko eskubidea dauka'.

Argibide gehiago:

Navarrainnova