Berrikuntzak betidanik izan duen oztopo handienetakoa hauxe izan da: ´Ez da hemen asmatua´ (EHA). Enpresa handi batzuek lehiakideekiko aliantza teknologikoak sustatzen dituzte eta ´berrikuntza irekia´´ bultzatzen dute, oinarrizko arazo teknikoak konpon ditzaketen garun pribilegiatuak lortzeko xedez.
Aliantza hauek sustatu dira, hain zuzen ere, enpresek onartu dutelako inongo berrikuntza taldek ez duela jakituriaren monopolioa.
´Horregatik beti bizi beharko dugu erosi-egin tentsiopean´ dio Greg Papadopoulos, Sun Microsystmes-eko teknologia alorreko zuzendari nagusiak.
Teknologiaren zein portzentaje sortzen du enpresak berak? Zein portzentaje erosten die beste enpresa batzuei? Papadopoulos-ek uste du galdera hauek oinarrizkoak direla ´berrikuntzaren auziari zuzenean aurre egiteko´ eta ideia handiak bilatzeko.
Sun-ek joan den hilean hautsi zuen ´etxean egina´ tradizioarekin, ia 638 milioi euro ordaindu baitzituen MySQLren truke. MySQL-k iturri irekiko datu-basearen programa ezagunena fabikatzen du.
Sun-ek produktu harrigarri bat lor dezake berehala, baina horretarako mundu osoko datu-baseetako ingeniarien lankidetza du uneoro. ´Teknologia erosten diegu beste enpresa batzuei eta ez dugu horregatik lotsatu beharrik ´, azaldu du Papadopoulus-ek.
Ikaragarrizko arrakasta duten berrikuntzako adibide bi aipatuko ditugu: YouTube eta Skype. Etorkizun-sen handiko talde txiki batzuek sortu zituzten bi proiektu horiek eta gero garesti saldu zizkieten enpresa handi batzuei (Google eta eBay-ri hain zuzen). Erosleek ez diote etekinik atera erosketa horri, baina halere irabazten atera direla esan daiteke. Izan ere, Google eta eBayk ez zieten hazten utzi bi proiektu horiei, beraz, ez dira sekula mehatxu bat izango berentzat. Bestalde, beren lehiakideei aurre hartu eta ez zieten aukerarik eman YouTube eta Skype erosteko.
Txina eta Indiak ingeniaritzan izan duten hazkundearen ondorioz, enpresak gero eta urrutirago joateko prest daude teknologia erosteko. ´Denborarekin herrialde hauei ere erosiko diegu teknologia´, dio Ned Hooper, Cisco Systems-eko presidenteordeak.
 

Informazio gehiago:

El País