> Hemen zaude:

Berriak

2008-03-25

Konfiantza Giza Motibazioaren adierazpen gorena da

Motibazioa garatzeko giltzarriak parte-hartzea eta konfiantza dira.

Stephen Covey motibazio gaien inguruko erreferenteetako bat da eta konfiantza eta parte-hartzea giltzarriak direla azpimarratu du antolakundeetako pertsonak garatu daitezen eta erantzukizunez jardun dezaten.
 
Parte-hartzearen printzipioak esan nahi du pertsonek arazoan parte hartu behar dutela elkarren artean konponbide bat lortzeko. Lider eta zuzendari buruargiek badakite pertsona batek onena eman dezan arazoan inplikatuta egon behar duela.
 
Komeni da honako hau gogoan izatea: arazoaren konponbidea bilatzeko beste batzuen lankidetza, konpromisoa eta partaidetza behar denean, komeni da pertsona horiek arazoan inplikaraztea.
 
Lankidetza, konpromiso eta partaidetza horren bila gabiltzanean, ezin ahaztu ditzakegu hiru urrats hauek:
 
1. Prestakuntza prozesua oso garrantzitsua da. Lider gehienek ez dute konfiantza larregirik prozesu honetan eta beste batzuen esku uzten dute. Luzera, gaizki ulertuak sortzen dira eta horrek lan-giroa kaskartzen du.

2. Prestakuntza prozesua behar bezala garatzen bada eta komunikazioa bi norabidetakoa bada, konpromisoa sakona eta zintzoa izango da. Prestakuntza prozesua azaletik baino ez bada garatzen eta komunikazioa norabide bakarrekoa bada, konpromisoa ere azalekoa izango da eta desagertu egingo da lehen oztopoa agertzen denean.
3. Behin konpromisoa onartutakoan, gainbegiralea laguntzaile izango da eta ez epaile. Konpromisoa hartu duen pertsonak ez badu bere lana betetzen, gainbegiraleak konfiantzazko harreman bat sor dezake pertsona horrekin eta bere lankidetza eskaini.
 
Hiru urrats hauek elkarrekin uztarturik daude eta etengabe atzeraelikatzen dira. Urratsak ondo betetzeko, liderrak izaeraz gogorra izan behar du eta fedea eta pazientzia eduki behar ditu. Lider askori gogortasun hori falta zaio eta, bestalde, langile askok gainbegiraleen baldintzapean lan egiten dute, horrela beraz, sarritan motibazioaren filosofia hau ezin izaten da hain erraz ezarri.

 

Dena den, gogoan izan konfiantza dela giza motibazioaren adierazpen gorena.
 
©Intermanagers.com

2007 Eskubide guztiak erreserbatuta