> Hemen zaude:

Ekitaldiak

Arrasaten San Josepeko harrobiaren hutsasrtearen eta gertuko ingurunearen etorkizuneko disenua editeko ideien lehiaketa (Ingurumen, Gizarte eta Ekonomia arloko errekuperazioa)
  • Hasierako eguna: 2008-04-04
  • Amaierako eguna: 2008-12-15
  • Iraupena: 7 hilabete
  • Enpresa aurkezlea: ARRASATEKO UDALA ETA ISEA (ENPRESAKO ZERBITZU AURRERATUETAN BERRIKUNTZA)
  • Antolatzailea: ARRASATEKO UDALA (azabala@arrasate-mondragon.net)
  • Helburuak:
    Lehiaketaren xedearen aurkezpena.
    Oro har, Ideien Lehiaketak helburu hauek lortu nahi ditu:
    · San Josepe harrobiko hutsartea erabiltzea jasotzen duen hirigintza proiektu bat garatzeko bideragarritasunari buruzko irizpideak garatzea, oraingo ikus eragina ahalik eta txikiena izateko.
    · Kontzientzia eta eztabaida sortzea, lerro hauek artikulatzen dituen eraikuntza proiektu bat garatzeko dauden benetako aukerei buruz:
    o Harrobiko hutsartean dagoen bolumenean erabilera sozialak eta pribatuak egin ahal izateko bideak garatzea.
    o Arkitektura eta paisaia arloko soluziobideak, harrobiko kanpoko espazioaren ikus eta ingurumen eragina murrizteko.
    o Lurzoruaren erreserba estrategikoak sortzea, epe ertain eta luzera geroago erabiltzeko.
    o Bide batzuk jorratzea, energia kontserbatu eta aurrezteko, energia baliatzeko eta energia berriztagarriak sartzeko teknologiak izan ditzagun.
  • Zuzendutako pertsona:
    Lehiaketaren helburu espezifikoak.
    Modu espezifikoan, San Josepeko harrobiaren hutsartearen eta Arrasatetik gertuko ingurunearen etorkizuneko diseinua egiteko ideien lehiaketaren helburua da, besteak beste, hauek egin ahal izateko soluziobideak bilatzea:
    · Ahalik eta modurik onenean txikitzea harrobiaren hutsarteak mendian sortzen duen ikus eta paisana eragina, oso kalteturik dagoen gune batean ingurumena errekuperatzeko proiektua bat garatzeko, eta, horrela, ekintza positiboa sortzea, Arrasaten gune fisiko horren oraingo hondamenari aurre egiteko.
    · Ahalik eta modurik onenean txikitzea ere Eibar-Gasteiz autopistak AE 58.- SAN JOSEPE HARROBIA eremutik pasatzean sortuko duen eragin kaltegarria.
    · Berrerabili eta aprobetxatzea ahalik eta modurik egokienean harrobiaren hutsarteak ematen digan gune fisiko zabala, eta horretarako hirigintza eta eraikuntza proiektu bat diseinatzea, leku horren gizarte eta ekonomia arloko berrerabilera altua izateko, bai eta hor planteatuko diren erabilerenak eta eraikuntzenak ere. Eraikigarritasunak, proposatutako erabilerek eta egokitzat jotzen diren gainontzeko aldagaiek bermatu egin behar dute esku-hartzearen bideragarritasun ekonomikoa eta soziala, bere osoan. Horregatik, lehiatzaileek aztertu beharko dute zer planteatu, adibidez, irabazteko erabilerak, hornitzeko erabilerak eta/edo horien arteko proportzioa. Orientazio gisara, harrobiaren hutsartean kokatu daitezkeen erabilera batzuk zerrendatu ditugu:
    o Bizitegia edo etxeak: betiko bizitegiez gain, lehiatzaileek aztertu dezakete estandarra ez den familia egituretarako edo beste kolektibo batzuen egituretarako lojamendu tipologia berriak sortzeko aukera.
    o Jarduera ekonomikoak, bate zere zerbitzuei lotutakoak, baina industria erabilerakoren bat albora utzi gabe.
    o Eremu ludikoa eta sozializatzekoak.
    o Hornidura publikoa, aisialdiari, denbora libreari eta kirolari lotutakoak barne.
    o Lurzoruaren erreserba estrategikoak, epe ertain eta luzera garatzeko.
    · Uztartzea proiektua bere gertuko ingurunearekin, diseinuak jaso dezan ere zelan ezarriko den modu egokian lurralde horretan eta harrobiaren oraingo gune fisikoak izan dezan irisgarritasun egokia, oinezkoen irisgarritasunaren ikuspegitik nahiz trafikoaren ikuspegitik (motorduna eta motor gabea). Orain dauden sarbide zailtasunak eta oztopo arkitektonikoen zailtasunak gainditzea da helburua, izan ere, proposatutako proiektuaren erabilera eta aprobetxamendu egoki, eraginkor eta zuzena praktikatzeko, guztiz ezinbestekoa da erraztea, maila guztietan, espazio edo gune horretara iristeko bidea.
    · Harrobi ingurutik gertu dauden eskualde apalak biziberritzeko motorea izan daitekeen proiektu bat proposatzea.
    · Berrikuntza eta garapen teknologikoa sustatzea, arkitekturan, ingeniaritzan, iraunkortasunean, energia aprobetxamenduan (kontserbazioa eta aurrezpena; aprobetxamendua eta energia
    berriztagarriak).
    · Oro har, Euskal Herriko harrobi guztietan errepikatu daitezkeen kontzeptu berritzaileak garatzea. Hain zuzen ere, harrobiak errekuperatzea ezinbesteko lana izango da, gure herrialdean leku gutxi baitugu, eta Lehiaketa honek lortu nahi du halako proiektuetan maila kualitatibo handiko joera bat ezartzea, antzeko arazoak dituzten beste udalerri batzuetan antzeko proposamenetan erreferentzia izateko, adibidez, Makina, Durango, Elgoibar, Deba, Andoain, Urnieta, Zestoa, eta abar moduko herrietan.
  • Helbidea: Arrasateko Udala. Enparantza Nagusia z/g. 20500 Arrasate (Gipuzkoa).
  • Egitaraua:
     
    Sariak.
    Lehiaketak sari hauek izango ditu:
    _ Lehiaketaren lehen fasea: lehiaketan finalista geratzen den egile bakoitzak 10.000 euro jasoko du. Sari hori kobratzeko, Lehiaketaren 2. fasean parte hartu beharko dute, arau hauetan adierazitako baldintzen arabera.
    Proiektuak jende aurrean erakutsi eta gero emango dira sariak.
    _ Lehiaketaren bigarren fasea: lehiaketaren irabazleak lehen saria jasoko du, 88.000 euro. Bigarren saria izango da 12.000 euroko kopurua. Sariok diru bihurtuko dira emaitzen berri eman eta 30 eguneko epean.
    _ Aipamenak: Epaimahaiak erabaki dezake zein proiektuk merezi duen aipatzea. Lehiaketa ezerezean geratu dela adierazi dezake epaimahaiak, baldin eta uste badu ezin dela eman lehen saririk, helburuak betetzeko nahiko ona ez den proiekturik ez dagoelako. Epaimahaiak hainbat proiektu aukeratuz gero Lehiaketaren irabazle (lehen saria berdindurik), saria banatuko da irabazle guztien artean.

2007 Eskubide guztiak erreserbatuta