Nahasketa bitxia da
bitxigintzaren mundua eta kode irekiaren edo prokomunaren kontzeptuak
bateratzea, bitxiak beti daudelako luxu eta esklusibotasun ideiekin lotuta.
Baina Gotzone Tutor bitxi diseinatzaileak eta ekimen honen bultzatzaileak
azaldu bezala, eredu desberdin bat probatu nahi dute, non piezak kolektiboki
sortuko baitira, diseinuak eta ideiak kode irekian partekatuz eta tokiko
artisauekin harremanetan jarriz. Proposamen horretatik abiatuta, abenduan talde
bat osatu zuten parte hartzeko interesa zuten pertsona batzuekin, hala nola
Asier Marques, Natalia Martínez, Marina Blazquez eta Xabier Del Reyrekin.
Urtarrilean azken bilerak egin ondoren ideia dagoeneko hasi da itxura
hartzen.
Joyas Comunes proiektua
onlineko plataforma bat da, non erabiltzaileek berriro aktibatu ahal izango
baitituzte etxeko kaxoi batean gordeta zeuzkaten piezak. Espazioak bi aukera
eskainiko ditu: bitxia saltzea edo erabiltzaileen komunitatean beste bategatik
trukatzea edo bestela bitxia aldatzea. Horretarako, software sinple bat garatu
nahi dute erabiltzaileak bitxiak izan ditzakeen diseinuak ikus ditzan. Hala,
nahi badu aldatu ahal izango du edo artisauekin harremanetan jarriko da lana
haiek egin dezaten.
Proiektuaren asmoa da
"zirkulazioan jartzea lehendik existitzen zen stock-a", objektu bat
berrerabiltzea berri bat sortzea baino iraunkorragoa delako. Proiektuaren onura komuna da ezagutza sortzen dela plataformaren barnean,
bitxien diseinuak eta berrerabiltzeko argibideak lizentzia irekiekin gordeko direlako. Proiektua bereziki zuzentzen zaie bitxigintza eskoletako ikasleei,
diseinatzaileei eta artisauei, baina baita ere eskulanak gustatzen zaizkien
pertsonei edo besterik gabe kode irekiko proiektuetan parte hartu nahi dutenei.
Ekimena martxan jarri
aurretik, lantaldea negozio eredu bat aztertzen ari da, jakiteko plataforma
hori ekonomikoki iraunkorra izango den enpresa bihurtu ote daitekeen. Oraingoz
gardentasun eta copyleft baloreetan oinarritutako gobernantza eredu bat ezarri
dute, egitura horizontal eta irekiduna, proiektuan beste era batzuetara parte
hartuko luketen nodo berriak sor daitezen.
Interesgarri gerta dakizuke: