Albisteak

EikenBank bekak, gazteen talentuaren eta sormenaren bila

Ikus-entzunezkoen arloko Eiken-Basque klusterrak EikenBank programaren bosgarren edizioa abirazi du. Lehiaketa bat da, sortzaile gazteak eta ikus-entzunezkoen sektoreko enpresak elkarrekin harremanetan jartzeko. Programak proiektu bat aukeratzen du euskal produkzio-etxe batek garatu dezan eta beka bat ematen dio sortzaileari 4 hilabetez prestakuntza jaso dezan. Helburua da sektoreko talentu berriak sustatzea eta ideia freskoak sorraraztea.

Prokomunaren ideian oinarritutako bitxiak

Joyas Comunes proiektua honelako galderak planteatzearen emaitza da: posible al da lizentzia libreetan, kode irekian eta prokomunean oinarritutako enpresa eredu bat sortzea, irabazi ekonomikoak sortzeaz gain, zerbait itzul diezaion komunitateari? Garapen fasean dagoen proposamen honen helburua da bitxiak beste batzuekin batera diseinatzeko plataforma bat sortzea lehendik dagoen stock-a berrerabiliz.

Gehiago gutxiagorekin, eskala txiki eta handiko eredu iraunkorrak

Dagoeneko argi geratu da gaur egungo hazkunde eredua, baliabideen kontsumoan eta ingurumenean oinarriturik dagoena, jasanezina dela, ez bakarrik dituen ondorio ekologikoengatik, baizik baita ere epe luzera izango duen kostu ekonomikoagatik. Munduko Ekonomi Foroaren esanetan, kontsumo ohiturak aldatu behar dira eta negozio eredu berriak sortu. Eskala handiarekin batera, sare txiki, lokal eta konektatuak sortu behar dira ezinbestean, etorkizunerako konponbideak nahi baditugu.

Zergatik ez Silicon Valley bat Euskadin?

Euskal ekintzaile eta start-up talde batek Euskal Valley sortu nahi du, teknologiekin lotutako negozio ideia berri askoren gabeziak konpontzeko. Asmoa da laguntza sare bat sortzea, non ekintzaileek aukera izango bailukete esperientziak partekatzeko, negozio planak orientatzeko edo inbertsiogile posibleekin harremanetan jartzeko.

Gandhi Esperimentuen Rocka, bakea rock and roll erritmoan

1948ko urtarrilaren 30ean erail zuten Mahatma Gandhi Nueva Delhin. Berak egindako lanaren ohoretan, data hori Bakearen eta Indarkeria Ezaren Nazioarteko Egun bihurtu zen. Bilbon aurten oso modu orijinalean ospatu dute Bakearen Eguna. Doña Casilda parkean ibilbide sorpresa bat antolatu zuten parte-hartze dinamikekin, dantza saioekin eta indarkeriaren ondorioak jasan dituen pertsona baten lekukotzarekin.