EikenBank
lehiaketa profesionalki lanean ari ez diren eta programa, telesail, dokumental
edo film labur bat egiteko ideia orijinal bat duten gazteei zuzentzen zaie. Ate
bat zabaldu nahi zaie mundu profesionalera sartzeko eta proiektu hori egia
bihurtzeko.
Parte-hartzaileek gidoi, maketa edo pilotu formatuan bidal dezakete beren
proposamena EikenBank-era, apirilaren 30a baino lehen. Hortik aurrera, euskal produkzio-etxe eta telebista
kateetako ordezkariz osatutako epaimahai batek aukeratuko du irabazlea.
Txapeldunak 2.000 euro jasoko ditu sari bezala eta jabetza intelektualeko
eskubideak lagatzeagatik. Horrez gain, 4.000 euroko prestakuntza beka bat jasoko du
eta 4 hilabeteko praktikaldiak dirauen bitartean, sorkuntza prozesuan parte
hartu ahal izango du bere proiektua garatuko duen enpresaren barnean, praktikaren
bidez ikasteko nola funtzionatzen duen ikus-entzunezko produkzio batek.
EikenBank ekimenaren helburua da harremanetan jartzea profesionala ez den
talentua eta ikus-entzunezkoen arloko euskal enpresa sarea. Horretarako, Face
to Face topaketak antolatzen dira produkzio-etxe eta telebista kateetako
profesionalekin. Aurreko edizioan 20 bilera egin ziren, 12 enpresak eta 24
gaztek parte hartu zutelarik. Saria jasotzeko aukeraz haratago, jardunaldi
hauetan parte-hartzaileek kontaktuak egin ditzakete produkzio-etxeekin,
zeintzuentzat interesgarriak izan baitaitezke gazteen proposamenak.
2011. urteko edizioan Gelditu Parada ekimena izan zen irabazlea, Rubén
Martínez UPV/EHUko Ikus-entzunezko Komunikazio ikasleak eginiko docushow-a, non
autobus batean bidaiatzen duten pertsonen istorio pertsonalak kontatzen
baitzituen. Pausoka produkzio-etxeak garatuko du programa eta ETBn emitituko
dute.
Interesgarri gerta dakizuke: