Eusko Jaurlaritzak 2015. urterako Euskadi Informazioaren Gizartean Plan (EIGP) berri bat txertatu du IX. legealdi honetako plan-egutegian. Plan berriaren izena AD@15 edo Euskadiko Agenda Digitala da eta Industria, Berrikuntza, Merkataritza eta Turismo Sailari esleitu zaio plan hori lantzea, hain zuzen ere Sail horrek Informazio Gizartearen sustapenaren arloan dituen eskumenen barruan.
Euskadi "ber 15" eraikitzen ari gara hurrengo 5 urteetan Euskadiko Informazio Gizartearen egoera esponentzialki hobetzeko helburuarekin. Hortaz, euskal gizarteak garrantzizko jauzi kualitatiboa ematea eta erreferentzia-eredu bihurtzea ahalbidetu behar du AD@15 izeneko planak, jomuga modura 2015eko denbora-epea izanik.
Parte hartzeko prozesua
Eusko Jaurlaritzak etorkizuneko Euskadi bat (non IKTak euskal herritarren ongizatearen eta bizi-kalitatearen hobekuntzaren zerbitzura jarriko diren eta produkzio-sarearen lehiakortasunaren alde egingo duten) eraikitzeko hartu duen konpromiso irmoari erantzuna emateko gogoeta-prozesu bat hasi da eta zu ere prozesu horretan parte hartzera gonbidatuta zaude. Izan ere, prozesu horretan parte-hartzearen eta lankidetzaren maila oso handia izatea da Eusko Jaurlaritzaren nahia. Era berean, Euskal Administrazio Publikoaz gain gizartea ordezkatzen duten agenteek, erakundeek, entitateek eta oro har euskal herritar guztiek prozesu horretan lekua izatea bilatzen da.
Zuk Euskadiko Informazio Gizarteari buruz duzun ikuspegiaren ekarpena egiteko eta bertaratuen artean ondorio nagusiak partekatzeko honako komunikazio-bide hauek jarri ditugu:
Postontzia: AD@15 planean lankidetzan aritzeko modu errazena
Inkesta: zure iritzia pausu pare batean jasota
