Elkarrizketak

"Denda fisiko bat ireki nahi nuen, baina azkenean onlineko bat irekitzea erabaki nuen " · Estitxu García, Oparist2 dendaren sustatzailea

Hainbat informatika enpresatatik igaro ondoren, zuzendaritzako idazkari honek bere proiektua jarri du martxan: Oparist2, produktu iraunkorrak saltzen dituen onlineko denda. Estíbaliz Garcíak eskuz eginiko artikuluak erosten ditu hirugarren munduko herrialdeetan eta gero Internetez saltzen ditu, batez ere oparitarako.

“Gure bizikleta elektrikoak zer laguntza behar duzun neurtzen du, ez baita gauza bera aldapan gora edo behera ibiltzea” · Ander Olariaga, Orbeako salmenta-arduraduna

Energiaren Euskal Erakundeak diru-laguntza programa bat jarri berri du martxan, bizikleta elektrikoen erosketa partikularra sustatzeko. Euskal Herrian, Orbea da bizikleta elektrikoak merkaturatzen dituen etxeetako bat. Sektore horretan Europan liderra den enpresarekin, Gazelle-rekin (Herbehereak), aliantza egin dute, eta joan den abenduaz geroztik merkatuan dute Eline, Mallabiako etxearen lehenengo bizikleta elektrikoa. Gaur egun, Orbearen 30 bezerok besterik ez dute Eline saltzen (bik EAEn), eta 500 ale baino gutxiago saldu dituzte guztira. Hala ere, Ander Olariaga salmenta-arduradunak azaldu bezala, horixe da haien asmoa, poliki-poliki joatea, haientzat ere teknologia hau berria baita: “Esango nuke urte bat edo bi beharko ditugula modu orokorrean saltzeko”.

“Giza dimentsioa oinarrizko balioa da enpresa irekian” · Estíbaliz Hernández, MIK Innovation & Knowledge

Egungo gizartean hainbat aldaketa jazo dira, enpresaren kontzeptua eragiten dutenak. Arlo digitalaren, gardentasunaren eta iraunkortasunaren garrantzia hala nola elkarlanerako behin-behineko sare horizontalen eraketa dira horietako batzuk. EOI-ko Sectores de la Nueva Economía 20+20 proiektua ekonomia berri horrekin eta bere gizarte inplikazioekin loturiko esperientziak aztertzen ari da. Aitor Urzelai, Julen Iturbe- Ormaetxe, David Sánchez Bote, Estíbaliz Hernández eta Aitor Bediaga ikertzaileak elkarlanean jardun dira Economía Abierta azterketa eratzeko, lan egiteko modu berri hauen aldeko organizazioen berri emateko.

“Landa-ingurunearen garapenerako garrantzitsuena da ezagutzaren transferentzia sustatzea” · Paloma Hernández eta Francesc Altès, ‘Rural Living Lab Pirineos’

Kataluniako Solsones eskualdean martxan dago 2009tik 'Rural Living Lab Pirineos' proiektua. Kataluniako Baso Teknologiaren Zentroarekin lotua, landa-ingurumen ikuspegiaren araberako ekonomia, gizarte eta ingurumen berrikuntza sustatzeko ekimena da. Paloma Hernández eta Francesc Altès txostengileek ‘Ingurumena eta Berrikuntza’ topaketan parte hartu zuten: landa-ingurunerako aukerak, Itsasmendikoi enpresaren eskutik EHU-ko Udako Ikastaroetan jorratzeko antolatua.

“Garai batean auzo guztietan genuen ia egun osoan irekita zegoen denda bat; funtzio hori ari gara betetzen” · Jabi Genbeltzu, Orduguztietan enpresaren bazkidea

Beasainen inoiz baino errazagoa da orain erosketak egitea, Mendeurren kalean dagoen makina bati esker. Kutxazain baten itxura du. Ez du dirua ematen, ordea; esnea, ura, pasta, arroza eta halakoak baizik. Guztira, edozein supermerkatutan ohikoak diren 170 produktu-mota ezkutatzen dira haren ukipen-pantailaren atzean. Orduguztietan du izena makinak, eta izen horrek adierazten duen bezala, eguneko 24 orduetan eta urteko 365 egunetan dago zabalik. Euskal Herriko lehen supermerkatu automatikoa da, eta abuztuaren hasieraz geroztik dago martxan. Bi lagunek izan zuten asmakizun hura inportatu eta harekin enpresa sortzeko ideia. Jabi Genbeltzu da horietako bat.

"Konturatu gara software libreak ez daukala zentzurik bezeroarengan pentsatzen ez bada" · Luis Martín-Santos, Webalianza-ko kudeatzailea

Informatikari gipuzkoar honek zuzentzen du bere garaian Euskadin eginiko lehen Linux bertsioa banatu zuen enpresa. Gaur egun ere software librearen arloan dihardu, baina bere jarduerak pixkanaka bide berrietatik jo du eta bezeroen negozio prozesuen mekanizaziora lerratu da. Testuinguru horretan, buru-belarri dabil ERP programek trukatzen dituzten dokumentuak estandarizatzeko Gaia-ren proiektuan.

"Sistema berri bat garatu dugu domeinu baten titularraren pribatutasuna bermatzeko" · Jorge Campanillas, domeinuetan espezializatutako abokatua

Donostiako abokatu honek bazkide teknologiko batzuekin batera jarri du martxan Interneteko domeinuetan espezializatutako Domain Protect enpresa. Marken titularrak eta web helbideak babesteaz gain, pribatutasun zerbitzua eskaintzen die domeinu-izen baten jabe direla inork jakiterik nahi ez dutenei.

“Margolanek hitz egiten diotela sentiarazten dio uVoxek erabiltzaileari” · Iván Portas, Auralia enpresako zuzendari-kudeatzailea

Auralia Emotive Media Systems enpresa gaztea da, eta Miramongo Teknologia Parkean du egoitza. Soinuaren bitartez, pertsonen eta haien ingurunearen arteko interakzioa errazteko produktuak garatzea du helburu. Iván Portas zuzendari-kudeatzailea eta bere lankideak azken ukituak ematen ari dira uVox gailuaren merkaturatzeari begira. Produktu horren lehenengo eredu industrialek urrian ikusiko dute argia. Audiogidaren kontzeptu berritzailea dakar uVoxek, sentsorerik eta ia botoirik gabe. Kamera txiki bat dauka entzungailuan, ia begiaren parean. Hala, erabiltzailea bisitatzen ari den museoko narratzaile birtualak “hauteman” dezake hark zer margolanetan jartzen duen arreta, eta zenbateraino gerturatzen zaion, bisitari horri benetan interesatzen zaiona kontatzeko, ez besterik.

“Administrazioentzat parte-hartze hitza ia marketineko elementu bilakatu da” · Josemi Martínez, M-etxea kolektiboa

Pasaian ospatu zen uztailaren 19tik 25era  Arkitektura Kolektiboak topaketa. Arkitektura  Kolektiboak sare bat da, arkitektura eta hirigintza lantzen dituena herritarren parte-hartzearen ikuspuntutik abiatuta. Estatuko beste udalerri batzuetan hainbat edizio antolatu ondoren, M-etxea, Lur Paisajistak, Recetas Urbanas, Straddle3 eta Jaizkibia kolektiboek Gipuzkoara ekarri dute topaketa hori, non publikoarentzako tailerren bidez hainbat gai jorratu baitituzte, besteak beste, Pasaiako badiaren etorkizun urbanistikoa eta Ziriza Etxearena. Horra hor abandonatutako espazioen berrerabilpenerako eredu izan daitezkeen bi proiektu.

Safe Creative jabetza intelektualeko doako erregistro bat da · Mario Pena, Safe Creative Komunitateko koordinatzailea

Irungo informatikari honi ikaragarri interesatzen zaizkio jabetza intelektualaren arloko gaiak eta zaletasun horren ondorioz, benetako community manager izatera iritsi da. Bere lana da Safe Creative komunitateko erabiltzaile guztiekin harremanetan jartzea eta proiektuaren helburua, berriz, obra digitalizatuak erregistratzea autoreak babesteko eta haiekin batera beren sorkuntzak errentagarri bilakatuko dituzten negozio eredu berriak bilatzeko.