Albisteak

Frantzia eta Belgikako zuzendaritza-karguek IK4ren zentroak bisitatu dituzte, interesgarria iruditzen zaielako zentro horietako kudeaketa eredua

Frantziako eta Belgikako zuzendaritza-karguez osatutako talde batek IK4 erakundearen hainbat zentro bisitatu zituen iragan astean, lehen eskutik ezagutzeko Aliantza Teknologikoaren kudeaketa eredua.

80 ETEk beren lehiakortasuna eta iraunkortasuna hobetzeko aholkularitza jasoko dute

Lehiakortasuna eta iraunkortasuna hobetzeko programa honen barruan, 80 enpresa txiki eta ertainek ingurumenari eta energi eraginkortasunari buruzko aholkularitza jasoko dute, Energiaren Euskal Erakundeak (EEE) eta SPRIk (Eraldaketa Lehiakorrerako Sozietatea) sinatu berri duten lankidetza hitzarmen bati esker. Susteen (Sustainable SMEs by means of Enterprise Europe Network) da ekimenaren izena eta Europako Batzordeak ko-finantzatzen du.

Deusto Business School-ek lankidetza hitzarmen bat sinatu du SPYRO enpresarekin

Deusto Business School-ek eta enpresen kudeaketarako softwarea (ERP) garatzen, merkaturatzen eta inplementatzen espezializatuta dagoen SPYRO enpresak lankidetza hitzarmen bat sinatu dute. Hitzarmen horren bidez hainbat jarduera antolatuko dituzte elkarrekin (hala nola SPYRO sariak), unibertsitatearen eta enpresaren arteko lankidetza sustatzeko.

Tecnalia Madrilen aurkeztu da eta teknologiaren aldeko apustua egin du negozio eredu bezala

Tecnalia, ikerketa aplikatuko Espainiako lehen zentro pribatua, Euskaditik kanpo aurkeztua izan da ofizialki aste honetan. Madril aukeratu dute "Inspiring day" deituriko jardunaldia ospatzeko eta jardunaldi horretan kasu praktikoen bidez aurkeztu dute beren teoria, zeinaren arabera enpresek teknologia aplikatu behar baitute hazteko. Negozio aukera hori egin dute berek ere osasuna, birdiseinu adimentsua, energi aurrezkia edo produkzio prozesuak bezalako sektoreetan.

Espainiako AENOR arauen katalogoa munduko garrantzitsuenetako bat bezala finkatu da

Espainiako Normalizazio eta Ziurtapen Elkarteak (AENOR), 2011n 25 urte bete zituenak, 29.555 araudiz osatutako katalogo bat sortu du eta munduko garrantzitsuenetakoa izatera iritsi da. Datu horiek apirilean ospatutako Urteko Batzar Orokorrean jakinarazi dira. 2011n 1.607 arau erantsi zitzaizkion katalogoari, azken bost urteetan erregistratutako antzeko kopurua alegia.