Orange Fundazioak eginiko eEspaña txostenaren arabera, EAE laugarren autonomia erkidegoa da Informazio Gizartearen garapenean, aurretik dituelarik Madril, Katalunia eta Nafarroa. Lisboako Agendan ezarritako Europako konbergentziaren helburuak bakarrik aztertzen baditugu, Bizkaia, Araba eta Gipuzkoak postu hobea dute, hots, hirugarrena, EBko batez bestekotik bost puntura daudelarik.
EAE ongi kokatuta dago Interneteko sarbideari eta banda zabala duten etxeei dagokienean; aise gainditzen ditu Kontinente Zaharreko herrialde eta autonomi erkidego gehienak. Baina herritarrek erabiltzen dituzten teknologia berriei dagokienean, emaitzak oso apalak dira. Espainia nahiko atzean dago enpresetako IKTen erabilpenari dagokionean eta Euskadin, berriz, konparatiboki nahiko ondo gaude atal horretan. Euskadi Estatuko liderra da web korporatiboen sorkuntzan, Europako batez bestekoaren gainetik.
IKT enpresen arloan ere kokapen ona daukagu, EAEko konpainien %1,84 sektore horretakoak dira, eta Madrilek (%2,47) eta Kataluniak (%1,9) bakarrik gainditzen dute portzentaje hori. Hirugarrena da halaber zerbitzuen sektorean langile informatikoak dauzkaten konpainiei dagokienean, Madril eta Valentzia dituelarik aurretik. Eta Errioxarekin batera, liderra da enpresetako ERP sistemen erabilpenean, mota horretako software fabrikatzaile asko baititugu gure artean.