Maier Technology Center (MTC) gune berriak 2.0 espazio bat sortu du, bezeroek izan ditzaketen diseinu eta dekorazio premiak bertan aurkeztu ditzaten. Euskal konpainiako sortzaileek bestalde plataforma hori aprobetxatzen dute erabiltzaileek planteatutako erronkei konponbidea emateko.
Ekimen horrek guztiz bat egiten du sare sozialen eraginez azkenaldian hain modan dagoen berrikuntza irekiaren kontzeptuarekin. Bezeroen eta enpresaren arteko harremana sinpletuz, erraztu eta ahalbidetu egiten da konpainiaren eta bere produktuen erabiltzaile guztien arteko lankidetza. Hain zuzen, Maier konpainiak orain profil bat dauka
Linkedin sarean.
Enpresa bizkaitarrak teknologi zentro handi bat inauguratu zuen iaz automoziorako osagaiak eta horiek fabrikatzeko ekipo ondasunak ikertzeko. I+G esparruan 115 langile jardunaraziz, Maier enpresak dekorazioaren eta estetikaren aldeko apustua egin du bere produktuak bereizteko elementu gisa eta beraz berrikuntza irekia hobetzeko tresna bereziki erakargarria bihurtu da.