David Bravo Bilboko Ingeniaritza Goi Eskola Teknikoaren Karrera Amaierako Proiektu Onenaren irabazlea izan da
Bilboko Ingeniaritza Goi Eskola Teknikoko Karrera Amaierako Proiekturik Onenaren Indarsun Saria, aerodinamika hobetuz motorrezko ibilgailuetan eraginkortasun energetikoa areagotzea bilatzen duen lan batek jaso du. David Bravo, Ingeniaritza Industrialean espezializatutako lizentziatuak sinatutako lan honek, tamaina ertain-handia duten hiru ibilgailu ezberdin diseinatzeaz gain, edozein motako ibilgailuetan ikerketa aerodinamikoa egiteko metodologia garatu du.
Hiru autoen diseinuak, kiroletako Coupé 2+2, 5 lekutako Fastback hiru gorputzekoa eta bolumenetako Sedán bat dira. Alde batetik diseinu hauek, pasa den mendeko 50. hamarkadako ibilgailu dotoreak ekartzen dituzte gogora baina gaur eguneko gama ertain/altuko automozioko estetikarekin bat egiten dute. Izan ere, proiektuaren bokazioa denboraz kanpoko diseinu bat egitea zen, modatik kanpo hain azkar geratzeko.
Hiru modeloetan aerodinamika hobetzea bilatzeaz gain, David Bravoren lanak, motorrez dabilen edozein ibilgailuren portaera ikertzeko balio duen proiektua ere garatu du, "airezko tunela"-ren beharrik izan gabe, kostu handiko azpiegitura berau eta gainera, bidean doan ibilgailuaren zenbait baldintza simulatzea uzten ez duena. Proiektu irabazlea, zenbakietan oinarritutako ikerketa bat da, ordenagailuz diseinatutako programari eta simulaziozko beste programa bati esker.
Indarsun sinadurak urtero saritzen du karrera amaierako proiektu onenaren lanen bat, energia berriztagarrien eta eraginkortasun energetiko arloan, etorkizun iraunkor bati begira. Kasu honetan, ibilgailuen aerodinamikak berebiziko garrantzia hartu du bai erregaiaren kontsumoa murrizteko eta baita ohiko autoen isurketa kutsakorrak murrizteko. Eta era berean, etorkizuneko ibilgailu elektrikoaren autonomia areagotzeko ere, egun nahiko mugatua delako.