Ikastaroa
Twitter, Interneteko ezinbesteko tresna

Twitter azken iraultza da Internet bidezko komunikazioetan. Beraz, ezinbesteko tresna bihurtu da enpresetarako eta profesionalentzat. Ikastaroaren hasieran twitter-i buruzko oinarrizko kontzeptuak azalduko ditugu, eta amaitzeko adituek baino ezagutzen ez dituzten zenbait trikimailu eta teknika ikusiko ditugu. Hori dela eta, ez duzue aldez aurretik twitter-i buruzko esperientziarik izan behar. Gainera, ikastaroan kasu praktiko anitz aurkeztuko ditugu, pertsonen arteko komunikazio hutsetik haratago: negozioetarako ideiak, joeren sorrera, beste zerbitzu batzuen integrazioa eta aplikazioen programazioa.

Edukien aurkibide:

• Hasierako urratsak: kontuak sortu, profila pertsonalizatu, bilaketa errazak, tweet-ak, elkarrizketak, retweet-ak, follower-ak, hashtag-ak. Hitzen glosarioa.
• Aditu bihurtu: bilaketa aurreratuak, spami aurre egin, followerren kopurua eta kalitatea handitu, email alertak finkatzea, mezuen publikazioa programatu, kontuak egiaztatu.
• Erreminta aurreratuak: mahaigaineko eta mugikorren aplikazioak, beste zerbitzu batzuk integratzea (facebook, blog, widget), argazkiak, bideoak eta musika trukatu, egutegiekin sinkronizatu, erabiltzaileen direktorioak.
• Twitter enpresetarako: erabilera-ideiak, praktika onak, tweet-en jarraipena neurtu, twitter negozio bihurtu, kasu arrakastatsu batzuk.
• Twitter marketineko arduradunentzat: web guneen trafikoa handitu, marka sortu eta horren balioa handitu, joerak jarraitu/sortu, kasu arrakastatsu batzuk.
• Twitter informatikoentzat: komando aurreratuak, API eta utilitateak, aplikazioen programazioa eta bot-ak.
• Twitter beste arlo batzuetan: administrazio publikoa, kazetaritza digitala, politika.