Euskadin, 70 ibilgailu elektriko berri jarri dira martxan 2011n. Ibilgailu horien erosketa sustatzeko, Eusko Jaurlaritzak 200.000 euro eman ditu, Energiaren Euskal Erakundeak (EEE) kudeatutako diru-laguntzen bitartez. Horren ondorioz, motorizazio elektrikoa duten ehun ibilgailu baino gehiago daude jadanik euskal errepideetan.
Nabarmendu behar da 2011n Espainian saldutako 428 ibilgailu elektrikoen % 16 Euskadin dauden bezeroek eskuratu dutela; eta Euskadiko biztanle-kopurua kontuan izanik, erosketa-kuota hori handia izan da EAEn, Espainiako biztanleriaren aldean (%5 baino gutxiago).