Elkarrizketak

"Gure klimatologiarekin armaduren korrosio arazoak dira hormigoiaren patologia arruntenak" · Jesús Díez, Tecnaliako Azpiegituren arloko Zuzendaria

Hormigoizko egiturak sendotzeko material eta teknika berriak miatzea da Jesus Diez, Tecnaliako Eraikuntza Unitateko Birgaitze zuzendariaren lan ardatza. Hormigoiak dituen arazo nagusiei buruz mitzatuko da, baita gaur egun existitzen diren neurri prebentibo, diagnostiko eta zuzentzaileei buruz ere.

“IngeRev Road-ek 20 minutuko birkarga denborak ahalbidetzen ditu" · Jon Asín Muñoa, INGETEAMeko Ibilgailu Elektrikoko Negozio Garapeneko Arduraduna

Ingenieritza elektrikoan eta tresna elektrikoen garapenean buruan dagoen Ingeteam enpresa euskaldunak aurrerapausua eman du ibilgailu elektrikoa gure kaleetan eguneroko errealitate bihurtu dadin beharrezkoa den teknologiaren garapenean.

Biodieselaren ekoizpen eraginkorra mikroalgen bidez · Sonia Castañon de la Torre, Neiker-Tecnalia-ko Bioteknologiako Sailaren arduraduna

Sonia Castañon Neiker-Tecnaliako Bioteknologiako Sailaren arduraduna da; bertan produktu eta prozesu berriak barneratzeko xedea duten I+G proiektuak burutzen dituzte, gero ingurumenaren, basogintza-nekazaritzaren eta industriaren alorrean aplikatu daitezen. Castañon, Biokimikan lizentziatua eta Biologian doktorea, biodiesela lortzeko oliotan produktiboenak diren mikroalgak garatzeko proiektu bat gidatzen ari da, hura modu ekonomikoki errentagarriagoa eta ingurumen aldetik jasangarriagoan lortzeko.

Nanoteknologia, erronka berria toxikologiarentzat · Blanca Suárez doktorea, GAIKER-IK4ko Biokteknologia arloko Biomedikuntza arduraduna

GAIKER-IK4 zentru teknologikoa, IVTIP (In Vitro Testing Industrial Platform)-ren parte dena, nanomaterialetan mundu mailako adituak bildu ditu nanotoxikologia toxikologiaren disziplina berri lez izan dituen aurrerapenetan sakontzeko. Blanca Suárez-ekin hitzegin dugu in vitro nanotoxikologiako teknikei buruz.

“Mugikortasun murriztua duten zenbaitek gure bizikletak eskatu dituzte dagoeneko” · Antonio Guerra, Noomadeko garapen-zuzendaria

Bestelako bizikleta-modelo bat aurkeztu du, orain egun gutxi, Garaia Berrikuntza Guneko Noomad enpresa hasiberriak. Berrikuntza bizikletaren aurrealdean dago: askoz ere egonkorragoa da, gurpil baten ordez bi dituelako. Gainera, euskarri bat du bien artean, eta 25 kilora arteko zamari eutsi diezaioke; beraz, ezin aproposagoa da haur txikiekin hirian ibiltzeko, bai eta erosketak etxera edo trasteak lanera edo eskolara eramateko. Noomad sistema bere horretan eros daiteke, eta edozein bizikletari atxiki (zortzi minutu behar dira egokitzapena egiteko). Edo, bestela, ibilgailua osorik eskuratzeko aukera dago; 2.300 eta 2.600 euro arteko kostua du, eta Internet bidez erosten da.

“Eguzki-farol pertsonalizatuak diseinatzen eta egiten dituen lehen enpresa gara Europan” · Borja Iñarrairaegui, Ekionako zuzendaria

Eguzki-farolak nahiko berriak dira, baina ez dira erabat ezezagunak Euskal Herrian. Ekiona Eguzki Argiztapenak enpresak, ordea, besteengandik desberdintzen duen zerbitzu bereizgarri bat eskaintzen du, bezero bakoitzari bere neurrira diseinatu eta egiten baitizkio farolak. Miramongo Teknologia Elkartegian du egoitza enpresa hasiberri horrek; I+G lanetan buru-belarri aritu ziren lehenbizi, eta duela urtebete inguru egin zuten jauzi merkatura.

“Urtero 640 tona CO₂ gutxiago isurtzea aurreikusten da” · Alberto Ortiz de Elgea, Pime’s proiektuaren tokiko koordinatzailea

Pime’s proiektuaren barruan, etxebizitza sozialeko hiru promozio eraikitzekoak dira Salburuan, eta otsailaren 20an ekin zioten lehenari. Ez dira etxebizitza arruntak. Izan ere, ekimen horri hamar milioi euroko finantzazioa esleitu dio Europako Batasunak, bizitegietan garatutako energia- eta gizarte-jasangarritasunean eredu izatea baitu helburu. Gasteizen ez ezik, Europako beste bi hiritan egingo dute proiektua. Salburuaren kasuan, bazkide hauek ari dira hartzen parte: EEE, Vitoria-Gasteizko Udala, Tecnalia, Acciona eta Visesa (tokiko koordinatzailea). Visesako Berrikuntza eta Jasangarritasun arduraduna da Alberto Ortiz de Elgea.

“Aurrezten den guztia kontuan hartuta, LEMev Stream sei urteren buruan amortizatzen da” · Iñaki Santillana, Luma eta ecomotioneko marketing-arduraduna

Euskal Herrian egindako lehen moto elektrikoa da LEMev Stream, eta otsailaren 7az geroztik dago salgai. % 100ean elektrikoa da ibilgailu hau, eta 125 cc-ko scooterren merkatuan lehiakor izatea du helburu, ezaugarriei zein prezioari dagokionez. Luma enpresak zuzendutako proiektu baten uzta da hau; Inmotec-ekin (lehiaketa-motoak diseinatzen eta eraikitzen dihardu) eta Dhemen-ekin (diseinu berritzaileak) elkarlanean egin du. Hiruren artean, ecomotion sortu dute, moto hau egiteaz arduratzen den elkartea.

“Akatsak minimizatzea eta industriarako piezak ateratzea da helburua” · Lander Galdos, Mondragon Unibertsitateko irakaslea eta ikertzailea

Mondragon Unibertsitateko Goi Eskola Politeknikoak Proform izeneko proiektu batean parte hartu zuen, 2007tik eta 2010era bitartean. Askotariko auto-modeloen xasisak makina bakar batean egin ahal izateko teknologia garatzea zen helburua, eta automobilgintzaren alorreko zenbait ekoizlek eta ikerketa-zentrok buru-belarri jardun zuten horretan, egitasmo haren barruan. Gaur egun, Proformen abiarazitako ikerketa-lerro horri tiraka jarraitzen dute proiektu horretako kide batzuek; tartean, Lander Galdos eta MUko beste 20 bat ikertzaile eta ikasle.

“Minbiziaren kontrako botikak nahiko toxikoak dira, eta albo-ondorioak murriztea da gure helburua” · Eneko Aldaba, IkerChemeko proiektu-zuzendaria

Etorkizun oparoa izan dezakeen enpresa da IkerChem. Ez alferrik, Espainiako Emprendedor XXI saria irabazi zuen 2010ean, beste 371 enpresa hasiberriri gailenduta. UPV/EHUko Kimika Organikoa Sailean du jatorria ekimen honek, eta minbizia inhibitzeko molekulak garatzea da bertako langileen egitekoa. Miramongo Teknologia Parkean (Donostia) dute egoitza.