Horregatik, inguratzaile arkitektonikoekin zerikusia duten arkitektoei, ingeniariei eta teknikariei kongresu horretan gai horri buruzko txostenak aurkezteko deia luzatzen zaie. Oinarriak kongresuaren webgunean daude (www.icae2012.com).
Edizio berri honetan, zenbait aldaketa egin dituzte kongresuaren formatuan: batetik, kongresua nazioarteko bilakatu dute, eta, bestetik, inguratzailearekin zerikusia duten zientzia-gaien aurkezpenei zuzendutako jardunaldi tekniko bat gehitu dute.
Nolanahi ere, gai nagusia fatxada arinen alorreko berrikuntzen ingurukoa izango da. Izan ere, inguratzaile arkitektonikoen alorrean egin dira beharbada aurrerapen nagusiak, besteak beste, eraikuntza-sistemetan, materialetan eta abarretan. Azken finean, fatxadak egiten du eraikuntzaren nolabaiteko aurkezpena. Gainera, osotasunean erraz hauteman daitekeen dimentsio handiko elementua da berori, eta eraikinari ingurunearekin erlazionatzeko estetika eta itxura ematen dio.
Faktore horien guztien garrantzia dela eta, sektorean egin diren aurrerapen askok eta askok hobekuntzak egitea eta arkitektoen eta jabeen kezkei erantzutea dute helburu. Material arinagoak eta ezaugarri termiko, akustiko eta abar hobeak dituztenak gehitu dituzte, konponbide gero eta konplexuagoak planteatu dituzte, teknologia berriak (LEDak, fotovoltaikoa, eta abar) gehitu dituzte, eta izaera estatikoko fatxadetatik ingurunearen arabera erreakzionatzeko eta eraldatzeko gai izatera igaro dira.
Aurrerapen horiek guztiak alor horretako ehunka enpresak eta ikerketa-zentrok egindako ikerketen eta garapenen ondorio dira. Horrenbestez, kongresuaren helburua da prozesu horri buruz hitz egitea, haren zailtasunak, arazoak, onurak eta abarrak aztertzea, eta inguratzaileen alorrean etorkizunak zer dakarkigun ikustea. Izan ere, gaur egun laborategietan eta diseinu-mahaietan dagoena eraikinetan aurkituko dugu datozen urteetan.