Euskadin, itsaso zabalean olatuak biltzeko sistemen ikerkuntza, erakusketa eta ustiapena garatzeko azpiegituraren inguruko instalazio-proiektuak beste urrats bat egin du aurrera mamitze eta sendotze bidean; izan ere, haren eraikuntza, instalazio eta ustiapenaz arduratuko den sozietate publiko bat eratu berri dute:Biscay Marine Energy Platform S.A (bimep).
Sozietatea Eusko Jaurlaritzak, Energiaren Euskal Erakundearen bidez, eta Espainiako Industria Ministerioaren menpeko erakundea den Energia Dibertsifikatzeko eta Aurrezteko Institutuak (IDAE) sortu dute, eta erakunde bakoitzaren partaidetza % 80 eta % 20 izango da, hurrenez hurren. Europan horrelako ezaugarriak dituen instalazio bakar bat dago, Eskozian zehazki.
Sozietate berriaren helburu sozialak honako lau lehentasun ditu:
- Itsas energia berriztagarrien bihurgailuak probatzeko eta erakusteko azpiegitura bat garatzea eta instalatzea.
- Bihurgailu horien ikerketa, saiakuntza eta erakusketa egitea eskala errealean; baita horiekin batera doazen ekipo osagarriak eta laguntzaileak ere.
- Itsas energia berriztagarrien alorra garatzeko ikerkuntza sustatzea alderdi guztietatik (ingurumena, teknologia, ontzigintza eta abar).
- Itsas azpiegitura hori ustiatzea merkataritzaren ikuspunturik eta energia elektrikoa ekoiztea.